деревня Кузевичи на карте

2012-11-05 Уладзімір Гваздзецкі

Паселішча на гэтым месцы з'явілася прыблізна ў 11 стагоддзі, калі будаваўся Лагожскі ўмацаваны раён. Сяло знаходзіцца на краі кратэра, на ўнутраным баку вала. Каля сяла ёсць старажытнае гарадзішча, дзе на плоскай вяршыні ў далёкія часы была невялікая крэпасць. Вакол яе быў вал, які захаваўся да нашага часу. Гарадзішча захавалася таму, што там зрабілі могілкі. Недалёка ад сяла ў старажытныя часы здабывалі тэктыты (тектиты), таямнічыя кавалачкі зеленаватага шкла, якія ішлі на выраб упрыгожванняў. Напэўна тэктыты ўтварыліся ў час выбуха, калі метэарыт дыяметрам у 650 метраў сутыкнуўся з Зямлёй каля 42 млн. гадоў назад. Былі тэктыты калісьці і ў мяне, але ў сярэдзіне 60-х гадоў у нас, у Лагазе, каля двух тыдняў знаходіліся студэнты, будучыя мастакі. Дык вось, адзін з кіраўнікоў гэтых студэнтаў выкупіў у нас, у хлапчукоў, усе тэктыты, каля паўсотні штук. Плаціў па тры рублі за штуку. Для хлапчукоў тады гэта былі вялікія грошы. Ён гаварыў нам, што такіх цікавых кавалачкаў шкла яму не хапае каб закончыць мазаіку. Фальварак у Кузевічах разбурылі, калі пачалі праводзіць калектывізацыю. ответить

2013-06-06 Уладзімір Гваздзецкі

Калі ехаць з вёскі Кузевічы да вёскі Дабрэнева, то прыблізна цераз паўкіламетра ад Кузевіч, з левага боку, можна ўбачыць помнік загінуўшым у ВАВ. Вось каля яго і пачынаецца пад'ём на старажытнае гарадзішча, якое знаходзіцца ў лесе. Лічу, што на гэтым гарадзішчы была адна з крэпасцяў Логожскага ўмацаванага раёна, які пабудаваў у свой час князь Усяслаў Чарадзей. Вяршыня гарадзішча плоская і мае памеры 54 на 30 метраў (гэта замеры навукоўцаў). Гарадзішча было ўмацавана двумя валамі і равамі. З 1942 года плоскую вяршыню гарадзішча пачалі выкарыстоўваць пад могілкі. У мясцовых жыхароў гэта старажытнае гарадзішча мае назву Замак. ответить