village Sieńkowce

2020-02-13 Шимко

Дзень добры!Я зусім не з вашай радні, але вырашыла напісаць пра вёску. Яе ўжо даўно, гадоў 30 ці болей, няма. Сама я з Лазічоў. І дзеці з Сенькаўцаў і мы, лазіцкія, хадзілі ў адну школу -- Удзелаўскую (раней казалі -- Вудзельскую). Можа памятаеце Вудзельскі касцёл? Пры саветах там была абсталявана збожжасушылка, склад. Але на пачатку 90-х гадоў яго вярнулі каталіцкаму прыходу, адмылі, адрамантавалі. Людзі вельмі самаахвярна працавалі на яго аднаўленні. І ў Мосары касцел аднавілі, пры ім нават вялікі дэндрапарк створаны прыхажанамі разам з пробашчам Юзафам Булькам, зараз гэта вядомае месца ў Беларусі, шмат людзей і з Польшчы яго наведваюць. На тым завяршу свой допіс. Калі будзе цікава -- магу пісаць зрэдчасу пра тыя мясціны, яны мне дужа дарагія, хоць сама даўно адтуль выехала.