village Muravanka on map

2013-03-15 Уладзімір Гваздзецкі

Маёнтак Мураваны Двор за многія гады меў розных гаспадароў і апошнім быў памешчык Барнашоў. Гаспадарка ў памешчыка была моцнай, вось чаму бальшавікі, як пачалі праводзіць калектывізацыю, то вырашылі стварыць тут камуну. Камуну назвалі ,,Чырвоны Кастрычнік,,. Зразумела, што самыя бедныя, а гэта значыць, што самыя гультаяватыя і гарластыя сталі першымі камунарамі. Яны думалі, што абыякава працуючы і распяваючы рэвалюцыйныя песні, атрымаюць усё, гэта ўсё пасыпецца з неба. Матэрыяльная база ў камунараў з' явілася пры раскулачванні руплівых і працавітых гаспадароў, у іх адабралі ўсё, а саміх выслалі. У тыя гады гультаі і п'яніцы карысталіся павагай і былі пры ўладзе. Некалькі гадоў камунары пажылі няблага, а як даелі апошнюю жыўнасць, то пачалі разбягацца. Калі ў суседняй вёсцы Слабада арганізавалі калгас ,,Іскра,, ,то да яго далучылі і камуну. Мужчыны з вёскі Слабада потым з яхідствам усё дапытваліся ў былых камунараў, ці ўспелі тыя абагульніць жонак, як прапаноўвалі бальшавікі. Будынак маёнтка застаўся без гаспадара. З часам яго пачалі разбіраць для розных патрэб. Цяпер аб будынках маёнтка напамінаюць іх фундаменты і забалочаны вадаём. reply

2018-04-27 Галіна Каржанеўская

Аўтар не сказаў пра адну істотную рэч: палац быў знішчаны партызанамі (узарваны), а многія сем'і, што ў ім туліліся,адправілі абжываць былыя нямецкія землі ў Калінінград. reply