village Zatseny

2014-08-10 Уладзімір Гваздзецкі

Цікавую інфармацыю можна знайсці ў кнізе "Памяць" Лагойскага раёна пра вёску Зацэнне:
"ЗАЦЭННЕ (Каменскі сельсавет). СТАЯНКА. За 2 км на захад ад вёскі, на поўнач ад маста цераз р. Цна, на абодвух берагах выпрастанага рэчышча. Памер 80 на 40 м. У 1966, 1967, 1988 гг. даследаваў М. М. Чарняўскі. Ускрыта 80 кв. м культурнага пласта. Знойдзены крамянёвыя нажы, скрабкі, разцы, касцяныя матыкі, кінжалы, праколкі, гарпун, крамянёвыя і касцяныя наканечнікі стрэл, абломкі вастрадонных гаршкоў з разнастойным арнаментам. Адносяцца да ранняга неаліту (сярэдзіна 4-га тысячагоддзя да н. э. ) і бронзавага веку (сярэдзіна 2-га тысячагоддзя да н. э. ). Пры пракладцы канала выяўлены абломак чоўна-даўбёнкі сярэдзіны 4-га тысячагоддзя да н. э. ".
Так што, як бачым, то ў гэтых мясцінах людзі жылі каля 6 тысяч гадоў назад і займаліся: паляваннем, рыбалоўствам і земляробствам.