village Yakubovichi

2014-07-20 Уладзімір Гваздзецкі

Старая дарога, якая ідзе з Янушкавіч у бок Калачоў, раздзяляе вёску на Якубавічы Гаравыя і Якубавічы Баравыя. Гаравыя знаходзяцца на схіле вялікай гары, дзе цяпер кар'ер. Баравыя Якубавічы знаходзяцца на высокім левым беразе ракі Сліжанкі. Быў у Якубавічах і фальварк.
Першыя звесткі аб Якубавічах можна сустрэць у XVI стагоддзі. У 1560 годзе адбылося размежаванне маёнтка Сліжын з Гайненскім староствам. Вось тут упершыню і ўпамінаюцца памежныя сёлы Жыляне (Жылічы), Якубавічы і Альфяровічы(не існуюць).