folwark Wojnowo

2014-05-07 Сяргей Лушчык

У міжваенны перыяд уладальніца маёнтку Любча Лідзія Пюцкерова аддала маёнтак з замкам у арэнду Мястоўскаму Браніславу, які ўклаў у гэтую гаспадарку немалыя грошы. Лідзія Пюцкерова ў свой час узяла вялізныя пазыкі ў польскіх банках і ў прыватных асобаў на аднаўленне маёнтку, пашкоджанага ў час першай сусв. вайны, аднак своечасова аддаць іх не змагла. У выніку ўся нерухомасць са старым любчанскім замкам перайшла на карысць аднаго з банкаў. Такім чынам узнік канфлікт паміж банкам і арэндатарам маёнтку Мястоўскім. Справа вырашалась праз суд. У выніку арэндатар Мястоўскі страціў укладзеныя туды сродкі. Пазней частку земляў маёнтку Лідзіі Пюцкеровай банк распарцэляваў і прадаў дробным землеўладальнікам.