village Mirnaja

2023-02-02 Николай Митюшин

ТРЫБУШКІ - гістарычная назва вёскі і назвалася яна так (як мне паведаміла ўражэнка вёскі Яўгеня Князюк,1927 г/н) ад слова «Трыба» (лясная прасека) на якой шмат гадоў таму пасялілася пяць сямей (Блізьнюк, Крэчык, Князюк, Мышко.. ) з Валыні, якія ўцякалі ад тагачаснай вайны.
Гэта вёска з адной вуліцай працягласьцю ў два кілёметра.

У 1928 г. насельніцтва ў вёсцы Трыбушкі складала 143 чалавекі. У воласьці на той час былі пошта, тэлеграф, тэлефон і два млына (вадзяны і паравы), якія належалі графу Сьлізьню.

У 1942 годзе 26 сьнежня пад час каральнай апэрацыі на Слонімшчыне пад назвай «Баграціён» фашысты забілі прыкладна 145 мірных нявінных жыхароў вёскі Трыбушкі ад цяжарных жанчын і немаўлят да людзй сталага веку. Памяць аб трагедыі ўшаноўваецца дрэнна - занядбаныя надгробніцы, пахілёныя крыжы, а раённая "кніга памяці" налічвае ўсяго 42 загінулых жыхара вёскі.. . у той час, калі яшчэ існуюць 9 з 10 захаваньняў з пэўным надпісам забойства. Месца 10-га агульнага пахаваньня (ад 10 да 17 чалавек) вядома толькі Князюку Міхалу, яно на паўночнай ускраіне могілак.

У 1964 годзе саветам назва не падабалася і таму яе зьмянілі на тыпавую і распаўсюджаную па ўсяму СССР - «Мірная».

На сёньняшні час у вёсцы Трыбушкі (Мірная) засталося некалькі двароў.. ..