village Połonka
Message:
На месцы бітвы пад Палонкай усталявалі памятны знак.
22 ноября 2010 г. Віктар СЫРЫЦА
Памятны знак у гонар 350-годдзя знакамітай Палонкаўскай бітвы 1660 года ўсталявалі 20 лістапада 2010 года на месцы легендарнай баталіі баранавіцкія сябры Таварыства беларускай мовы імя Францыска Скарыны.
Мемарыяльны валун і драўляная шыльда з адпаведным тэкстам ўпершыню былі ўсталяваны на гэтым месцы яшчэ 16 гадоў таму, 4 лістапада 1994 года. Урачыстае мерапрыемства, прысвечанае Палонкаўскай перамозе адкрыў тагачасны старшыня мясцовага сельскага савета Аляксандр Грыб, а праваслаўны і каталіцкі святары асвяцілі гэтае месца слаўнай перамогі харугваў Паўла Сапегі і Стэфана Чарнецкага над войскам маскоўскага ваяводы Хаванскага. У хуткім часе драўляная шыльда была знішчана вандаламі.
У 2000 годзе, калі адзначаліся 340-я ўгодкі Палонкаўскай бітвы, сябры Баранавіцкай Рады ТБМ аднавілі драўляную шыльду. Але і адноўленая каляровыя шыльда была зламана невядомымі манкуртамі.
Грамадскасць неаднаразова пра неабходнасць усталявання металічнай шыльды на камені-валуне, асабліва напярэдадні 350-х угодкаў Палонкаўскай бітвы, якія адзначаліся сёлета. Баранавіцкі райвыканкам, куды мы звярталіся з адпаведнай ініцыятывай, не знайшоў сродкаў, каб вырабіць і ўсталяваць металічную шыльду. Таму прадстаўнікі грамадскасці на працягу года самастойна арганізавалі збор грашовых сродкаў і ўласнымі намаганнямі зрабілі на мармуровым камяні металічную шыльду ў гонар 350-ці годдзя знакамітай Палонкаўскай бітвы 1660 года.
сталяванне памятнага знаку суправаджалася і на гэты раз пэўнымі дзівосамі. Спачатку прыбегла старшыня Палонкаўскага сельсавета Ніна Кісель, падняла лямант і выклікала міліцыю, бо ўсталяванне памятнага знаку, на яе думку, было арганізавана без дазволу мясцовай улады.
Старшыня Баранавіцкай Рады ТБМ Віктар Сырыца і краязнаўца Міхась Бернат патлумачылі маёру міліцыі Вячаславу Таўкачову, што гэта не ўсталяванне новага знаку, а аднаўленне старой шыльды, дазвол на якую даў Палонкаўскі сельсавет яшчэ ў 1994 годзе.
Міліцыя, на дзіва, паводзіла сябе вельмі спакойна, без гвалту і затрыманняў, карэктна і ўзважана выслухала абодвыя бакі. Падалося нават, што гэта не баранавіцкая міліцыя, а берлінская ці лонданская паліцыя. Урэшце, адноўлены памятны знак застаўся на гераічным Палонкаўскім полі. І прыемна тое, што Баранавіцкая Рада ТБМ і Палонкаўскі сельсавет дамовіліся аб сумеснай працы па добраўпарадкаванні месца Палонкаўскай бітвы 1660 года.
Reply to the message
Back
