village Paseki

2014-06-16 Уладзімір Гваздзецкі

Каля двух кіламетраў на ўсход ад вёскі Сялец была вёска Пасекі. Такую назву вёска атрымала, таму што ў гэтай мясцовасці сяляне займаліся развядзеннем пчол. Не стала на гэтым месцы вёскі ў гады калектывізацыі. Усюды дзейнічала адна схема: у больш зажытачных і працавітых сялян адбіралі маёмасць, а іх саміх высылалі; больш бедных перасялялі ў месцы, дзе былі маёнткі і фальваркі, каб там арганізаваць камуны і калгасы. Для перасялення жыхароў вёскі Пасекі і каля дзесятка хутароў выбралі месца, дзе была малая вёска Торапава. Сюды была звезена і маёмасць фальваркаў Пасекі і Торапава. З усяго гэтага атрымалася новая вёска, якую назвалі Малінаўкай.