village Mikhalovo

2014-10-17 Уладзімір Гваздзецкі

Вось што пішуць ў кнізе "Памяць" Лагойскага раёна пра вёску Міхалова:
,,МІХАЛОВА (Лагойскі сельсавет). ГАРАДЗІШЧА. Ва ўрочышчы Царковішча, на беразе р. Кадыша, у лесе. З аднаго боку пляцоўка абнесена ровам. Недалёка ад вёскі, ва ўрочышчы Глагойск, выяўлены абломкі пасудзін, вугаль, знойдзены скарб манет. КУРГАННЫ МОГІЛЬНІК. За 2 км на поўнач ад вёскі, уздоўж дарогі Мінск -- Плешчаніцы, у лесе, 24 насыпы дыяметрам 6-12 м, вышынёй 0. 5-2 м. Мясцовая назва Татарскія могілкі або Рагавыя капцы. Частка насыпаў пашкоджана".
Праўда аўтары кнігі прыводзяць устарэлыя звесткі таму, што таго ручая Кадыша ўжо няма гадоў каля 40-ка. Крыніцы, з якіх браў пачатак ручай людзі закідалі каменнямі і ён знік, перасох. Гарадзішча так зарасло дрэвамі і хмызняком, што там пралезці цяжка і здымкі зрабіць не ўдалася.
Так што, як бачым, то Міхалова старажытнае пасяленне, а крэпасць (гарадзішча) Міхалова ўваходзіла ў бліжэйшы круг крэпасцяў Лагожскага ўмацаванага раёна.