village Galimszczyzna

2013-07-28 Iwan Buiko

Вёска ў Ліпнішкаўскім сельсавеце. У сярэдзіне XIX ст. вёска ў Іўеўскай воласці Ашмянскага павета Віленскай губерні. Адносілася да маёнтка Іўе Замойскіх, у 1861 г. 71 рэвізская душа. У 1897 г. 44 двары, 277 жыхароў, уваходзіла ў склад Суботніцкай воласці. У 1905 г. вёска, засценак і маёнтак. У вёсцы 274 жыхары, 393 дзесяціны зямлі, у засценку 17 жыхароў, 9 дзесяцін зямлі, у маёнтку 53 жыхары, 868 дзесяцін зямлі. Маёнтак і засценак належалі памешчыку Мілеўскаму. У верасні 1906 г. вяскоўцы патравілі памешчыцкія пасевы, падпалілі некаторыя гаспадарчыя пабудовы. У 1909 г. 52 двары, 316 жыхароў.
У 1921 -1939 гг. у Суботніцкай гміне Валожынскага, затым Лідскага паветаў Навагрудскага ваяводства Польшчы. У 1921 г. ў вёсцы 50 двароў, 258 жыхароў, у фальварку 4 двары, 43 жыхары, у аколіцы 5 двароў, 18 жыхароў. 3 12. 10. 1940 г. вёска (99 двароў, 400 жыхароў), цэнтр Галімшчынскага сельсавета Іўеўскага раёна. Побач з вёскай знаходзіліся аколіца і былы маёнтак Галімшчына. 3 26. 6. 1941 г. да 8. 7. 1944 г. акупіравана нямецка-фашысцкімі захопнікамі. У 1952 г. арганізаваны калгас імя А. С. Пушкіна. 3 1954 г. уваходзіць у калгас «Радзіма». 3 2. 12. 1961 г, у Ліпнішкаўскім сельсавеце. У 1970 г. 275 жыхароў. Працуюць клуб, бібліятэка, магазін. У 1999 г. 58 двароў, 122 жыхары.