village Gaenskaya Yurzdyka

2013-05-12 Уладзімір Гваздзецкі

Шмат гістарычных таямніц, звязаных з касцёлам у Гаенскай Юрздыцы, яшчэ патрэбна раскрыць. Нямала з гэтым касцёлам звязана і з татарскім родам Бараноўскіх. Яны ў гэтым касцёле па просьбе вялікага князя Вітаўта прынялі хрысціянства. Тут, каля касцёла, з дазволу князя Вітаўта, былі закладзены і радавыя могілкі Бараноўскіх і некатарых іншых татарскіх родаў.
У верасні 1514 года тут пахавалі герояў, якія загінулі ў бітве пад Оршай. Сярод іх былі і татары з роду Бараноўскіх. Пры пахаванні прысутнічаў і вялікі князь ВКЛ, які адначасова быў і каралём Польшы.
У 1952 годзе на старажытных могілках забараняюць хаваць памершых. У канцы 50-х гадоў пачынаецца будаўніцства сярэдняй школы і старажытныя могілкі знішчаюць, а касцёл узрываюць. Напэўна асноўнай прычынай гэтага было тое, што тут былі пахаваны героі, загінуўшыя ў 1514 годзе пад Оршай. Магілы продкаў былі знішчаны. Зразумела, што такімі дзеяннямі камуністычнага рэжыма былі многія незадаволены. Былі знішчаны і магілы маіх продкаў, мая маці належыла да роду Бараноўскіх. Так, што ў мяне ёсць і асабістая зацікаўленасць, каб розных таямніц было менш. На схіле, дзе былі старажытныя могілкі і цяпер ляжаць некатарыя магільныя камяні і тое, што засталося ад помнікаў.