village Deynarovichi

2014-04-28 Уладзімір Гваздзецкі

Як ужо раней я гаварыў, то назва Дейнаравічы ўзнікла ад памылкі, калі перапісвалі назвы з нашых карт на расійскія. Так, што ніякіх адносін прозвішча Дейнаровічы да вёскі Айнаравічы не мае. Патрэбна памятаць, што значная частка прозвішчаў узнікла ад назвы рода. Так прозвішча Бараноўскія ўзнікла ад назвы рода /Барана выбраныя сыны/. Думаю што і з прозвішчам Дэйнаровічы тое ж адбылося. Праўда было бы больш правільна, каб прозвішча пісалася Дайноравіч, але не трэба забываць, што ў розныя часы ўлады расійскай імперыі, а пазней і савецкай улады, уносіліся розныя змяненні ў прозвішчы. Усё рабілася для таго, каб прозвішчы не былі звязаны з гісторыяй нашай Айчыны. Карані ўзнікнення прозвішчаў Дэйнаровіч і Дайнаровічаў патрэбна шукаць на берагах Нёмана, прыблізна там, дзе сыходзяцца межы Польшы, Беларусі і Летувы.
Заглянем на момант у далёкае мінулае.. . Да варот сярэднявечнага горада пад'язжае купец. Стражнікі пытаюць яго:,,Чалавек, як тваё імя і адкуль ты прыехаў?" Прыезжы адказвае:,,Маё імя Ян. З зямлі Дайнова родам я". Пісар, які прысутнічаў пры гэтай размове, то запісаў, што ў такі дзень у горад заехаў купец Ян Дайнаровіч, але ён мог запісаць, што заехаў Ян Дайновіч. Землі людзей, якія называлі сябе Дайнова і былі на берагах Нёмана. Вось чаму ў Польшы так шмат людзей маюць прозвішча Дэйнаровічы. Вось так я бачу асновы ўзнікнення прозвішча Дэйнаровічы.