village Dalkovichi

2014-08-07 Уладзімір Гваздзецкі

У кнізе "Памяць" Лагойскага раёна можна знайсці і цікавую інфармацыю:
"ДАЛЬКАВІЧЫ (Акалоўскі сельсавет). ГАРАДЗІШЧА. За 1 км ад вёскі, справа ад дарогі ў вёску Тарасіно. Мясцовая назва Замкавая Гара. Пляцоўка памерам 70 на 40 м умацавана валам і ровам. СЕЛІШЧА. На ўсходняй ускраіне вёскі. Плошча каля 0,5 га. Знойдзена кераміка позняга феадалізму. КУРГАННЫ МОГІЛЬНІК. За 0,7 км на паўночны захад ад вёскі, у лесе, злева ад дарогі ў в. Прусавічы. 81 насып дыяметрам 3-8 м, вышынёй 0,8-3 м. Частка насыпаў пашкоджана. "
Улічваючы, што на старой карце можна бачыць, што ў XVI стагоддзі ў Далькавічах быў замак, то Замкавую Гару было бы больш правільна называць замчышчам, а не гарадзішчам. Так што, як бачым Далькавічы з'яўляюцца адным са старажытных пасяленняў на нашай тэрыторыі.