Мінская губерня

Адміністрацыйная прыналежнасць

Старыя мапы Мінскай губерні

Мапа Менскага намесніцтва, 1796 год
Мапа Менскага намесніцтва, 1796 год


Мапа Менскай губерні, 1800 год
Мапа Менскай губерні, 1800 год

Арыгінал мапы захоўваецца ў Нацыянальным гістарычным музеі Рэспублікі Беларусь у Мінску

Мапа Менскай губерні, 1821 год
Мапа Менскай губерні, 1821 год


Мапа Менскай губерні, 1871 год
Мапа Менскай губерні, 1871 год

Гісторыя

Герб Мінской губерні Мінская губерня існавала ў 1793-1921 гадах. Цэнтр губерні - горад Мінск. Утворана 23.4.1793 пасля 2-га падзелу Рэчы Паспалітай. Займала тэрыторыю Менскага і часткова Навагрудскага і Берасцейскага ваяводстваў ВКЛ. З 3.5.1795 да 1796 складала асобнае Мінскае намесніцтва. Напачатку губерня складалася з 13 паветаў: Бабруйскі, Барысаўскі, Вілейскі, Давыд-Гарадоцкі, Дзісенскі, Докшыцкі, Ігуменскі, Мазырскі, Мінскі, Нясвіжскі, Пастаўскі, Пінскі, Слуцкі. У лістападзе 1796 далучаны Рэчыцкі павет, скасаваны Давыд-Гарадоцкі, Докшыцкі, Нясвіжскі, Пастаўскі паветы. У снежні 1842 з Гродзенскай губерні далучаны Навагрудскі павет, у Віленскую губерню перададзены Вілейскі і Дзісенскі паветы. З таго часу і да 1919 года Мінская губерня адміністрацыйна дзялілася на паветы: Бабруйскі, Барысаўскі, Ігуменскі, Мазырскі, Мінскі, Навагрудскі, Пінскі, Рэчыцкі, Слуцкі.

Адміністрацыйны падзел Мінскай губерні на паветы на пачатку ХХ стагоддзя

Адміністрацыйны падзел Мінскай губерні, пачатак ХХ стагоддзя

З 7.11.1917 Мінская губерня ў складзе Заходняй вобласці, з 03.1918 у складзе БНР, з 1.1.1919 у БССР, з 2.2.1919 у Літбеле. У 1919-20 гадах утвораны Баранавіцкі і Нясвіжскі паветы, Рэчыцкі, Мазырскі і часткі Бабруйскага, Барысаўскага і Ігуменскага паветаў далучаны да Гомельскай губерні. З ліпеня 1920 у БССР. 18.3.1921, калі частка тэрыторыі губерні, акрамя Бабруйскага, Барысаўскага, Ігуменскага, Мазырскага, Мінскага і Слуцкага паветаў, адышла ў склад Польшчы, губерня перастала існаваць.

Насельніцтва Мінскай губерні

У 1845 у Мінскай губерні 9 гарадоў (1 губернскі і 8 павятовых), 2 заштатныя гарады, 116 мястэчак, 2983 сялы, 15 121 вёска, 2162 засценкі і ваколіцы. Паводле перапісу 1897 насельніцтва губерні складала 2 147 600 чалавек. Паводле нацыянальнага складу беларусаў - 76,04%, габрэяў - 15,9%, рускіх - 3,91%, палякаў - 3,01%; паводле веравызнання праваслаўных - 72,56%, іудзеяў - 16,06%, католікаў - 10,15%, старавераў - 0,74%, пратэстантаў - 0,27%, мусульман - 0,21%; па саслоўях: дваран - 3,64%, святароў - 0,26%, купцоў - 0,16%, мяшчан - 23,6%, сялян - 71,8%; пісьменныя складалі 17,8% насельніцтва, у гарадах - 45,2%. У 1893 было 860 цэркваў, 67 касцёлаў, 6 пратэстанцкіх устаноў (кірхі, зборы, малітоўныя дамы), 9 мячэцяў, 36 сінагог, 420 яўрэйскіх малітоўных дамоў.

Асноўныя заняткі насельніцтва: земляробства, жывёлагадоўля, рыбалоўства, пчалярства, лясныя, саматужныя і адыходныя промыслы. У 1892 працавала 320 прадпрыемстваў, з іх 138 вінакурняў, 23 бровара, 14 медаварняў, 36 мукамольняў, 7 маслабойняў, 3 суконныя фабрыкі; у 1890-х былі 24 конезаводы; у 1908 дзейнічала 215 вінакурняў, 16 бровараў, 445 фабрык і заводаў.

Па тэрыторыі губерні праходзілі чыгункі: Лібава-Роменская, Маскоўска-Брэсцкая, Брэст-Бранск, Вільна-Роўна, Баранавічы-Беласток, Балагое-Ваўкавыск.

Паведамленні:

Ищу корни фамилии Лакудас... > > >
добрый день хочу узнать о своих предках фамилия шеремет мой дед шеремет нестер исакович интересуюсь своей родословной... > > >
Мой папа Сикирицкий Яков Андреевич родился в 1929 г. В Д.Колодези Червенского района Минской обл
Эта деревня ранее принадлежала Польше, или Литве? ... > > >
Dzień dobry! Postaram się pomóc Panu. Ale trzeba więcej informacji. Jak miała na imię żona pana Władysława? Jak miali na imię dzieci pana Władysława? Jak miał na imię ojciec pana Władysława? Może jeszcze są jaka informacija.... > > >
Kisłuchy - wieś w powiecie stołpeckim województwa nowogródzkiego II Rzeczypospolitej. Dla tej miejscowości na stronie Radzima.net ma następujące dane:
- współrzędne geograficzne i lokalizowanie wsi Kisłuchy na szczegółowej mapie z początku XX wieku i współczesnych mapach, a także na zdjęciach satelitarnych Google MapsKisłuchy na mapie
- przynależność administracyjno-terytorialna w Imperium Rosyjskim, II Rzeczypospolitej,
- parafia prawosławna, do której należał(a) wieś Kisłuchy na początku XX wieku
- what years the Metric books about the born, married and dead of this parish have survived;
- The fund number, the inventory, and ... > > >
Добрый день. Ищу любую информацию о бабушке. Дэйнар Нина ( Янина ) Яковлевна. Родилась деревня Пущенка Плещаницкого района . 1920 г. ... > > >
ищу по фамилии Киеня... > > >
Поиск и подтверждение национальности родственников 2й линии (бабушки/дедушки) в целях подачи заявки на получение карты поляка... > > >
Здравствуйте. Михаил Шкраба мой дедушка из деревни Огородники.... > > >
Подскажите, пожалуйста, как называется кладбище в деревне Селище, Борисовского района, Минской области? ... > > >